Sigríður Hjördís Maggý Friðriksdóttir (1949-2004) Blönduósi

Sigríður Friðriksdóttir fæddist á Blönduósi 18. febrúar 1949. Hún lést á Landspítalanum 13. apríl síðastliðinn. Sigríður og Steindór bjuggu fyrstu búskaparárin í Reykjavík, síðan tvö ár á Selfossi, en eftir það bjuggu þau á Blönduósi til ársins 1991 er fjölskyldan fluttist til Reykjavíkur.
Sigríður ólst upp hjá foreldrum sínum ásamt systkinum á Blönduósi. Þar gekk hún í grunnskóla og lauk þaðan landsprófi vorið 1965. Starfsferill Sigríðar hefur verið fjölbreyttur í gegnum árin. Eftir að hún eignaðist börnin var hún heimavinnandi um nokkurra ára skeið. Þau hjónin fluttu síðan á Blönduós 1979, þar sem þau bjuggu allt fram til 1991. Á þessum tíma gegndi Sigríður ýmsum störfum. Útför Sigríðar fer fram frá Grafarvogskirkju í dag og hefst athöfnin klukkan 15. Jarðsett verður í Gufuneskirkjugarði.

Blönduós: Reykjavík: Selfoss: Blönduós 1979: Reykjavík 1991:

á Blönduósi gekk hún í grunnskóla og lauk þaðan landsprófi vorið 1965.

Eftir landspróf hóf Sigríður störf í Skálatúni í Mosfellsbæ, og þar starfaði hún um nokkurt skeið. Síðar starfaði hún á Hótel Blönduósi og á Héraðshæli Austur-Húnvetninga á Blönduósi. Sigríður hélt síðan aftur til Reykjavíkur þar sem hún starfaði hjá Síld og fisk í um fimm ár.
Hún sat meðal annars í bæjarstjórn Blönduósbæjar fyrir Sjálfstæðisflokkinn í átta ár og var formaður Verkalýðsfélags Austur-Húnvetninga í nokkur ár. Samhliða setu í bæjarstjórn og formennsku í Verkalýðsfélaginu annaðist Sigríður rekstur Blönduskálans ásamt Steindóri eiginmanni sínum. Sigríður vann síðan í mötuneyti Fossvirkis við Blönduvirkjun meðan á virkjunartíma stóð. Eftir að fjölskyldan flutti til Reykjavíkur 1991 starfaði Sigríður við mötuneyti Norðurljósa og fjármálaráðuneytisins. Við upphaf vinnu við Hvalfjarðargöng hóf Sigríður störf sem matráðskona hjá Ístaki og annaðist mötuneyti á þeirra helstu starfsstöðum, m.a. Sultartangavirkjun, Smáralind, varnarstöðinni í Keflavík og síðast við mötuneyti Ístaks á Reyðarfirði og Fáskrúðsfirði.

Foreldrar hennar voru Þórunn Sigurjónsdóttir frá Blönduósi, f. 1.9. 1915, d. 10.2. 2000, og Friðrik Gunnar Indriðason frá Blönduósi, f. 20.6. 1916, d. 20.11. 1993.
Börn Þórunnar og Friðriks voru auk Sigríðar Brynhildur Bára Bergman, f. 27.12. 1940, Guðrún Bergman, f. 3.6. 1942, Indíana Margrét, f. 28.4. 1945, Sigurlaug Jónína, f. 20.12. 1950, og Björn, f. 14.7. 1953.
Auk þess áttu þau systkinin einn hálfbróður sammæðra, Hermann Valdimar Sigfússon, 29. júní 1937 - 7. júní 2009 Bílstjóri á Ísafirði og síðar sjómaður í Hafnarfirði.
Hinn 18. ágúst 1973 giftist Sigríður Steindóri Jónssyni, f. 27.2. 1955 á Akureyri. Foreldrar hans eru Sigríður Steindórsdóttir, f. 9.12. 1928, og Jón Þorsteins Hjaltason, f. 16.5. 1929. Sigríður og Steindór eignuðust tvö börn,
1) Þórunn, f. 14.4. 1974, gift Sveinbirni S. Hilmarssyni, f. 11.2. 1973, og eiga þau tvo drengi, Júlíus Hafstein, f. 7.12. 1994, og Jón Kristján, f. 28.8. 1997.
2) Jón Elvar, f. 1.9. 1976, Sambýliskona Jóns Elvars er Anna Guðmundsdóttir, f. 29.5. 1978, og eiga þau eina dóttur, Tinnu Marínu, f. 7.7. 2001.

GPJ 17.7.2017

• Icelandic

®GPJ ættfræði https://www.mbl.is/greinasafn/grein/793379/?item_num=10&searchid=07b3c077a30c7c5666efa0ce077d90580e6a787b