Reykjanibba, Sauðadalur í Vatnsdalsfjall

Reykjanibba 769 mys [Reykjarhyrna]. Dregur nafn sitt af bænum Reykir á Reykjabraut. ”Mestur hluti af Reykjanibbu er eintómtsmágrjót og efri hlutinn að norðanverðu alþakinn hvítum og gulleitum sandi og tekur hann yfir allan efri og nyrðri hluta nibbunnar. Sandur þessi hinn hvíti er kallaður Grettisskyrta. En því heitir sandblettur þessi svo að þá er Grettir fór eitt sinn í Reykjalaug er sagt að hann hafi ekki farið afskyrtu sinni en er hann kom úr lauginni hafi hann gengið upp á Reykjanibbu og breitt skyrtuna til þerris á hana norðanverða, hafi þá sandurinn breytt lit sínum og tekið skyrtulitinn og orðið hvítur alls staðar þar sem skyrtan náði yfir.”

Sauðadalur skilur á milli Vatnsdalsfjalls og Svínadalsfjalls 975 mys. Blæs þar stundum óþyrmilega fyrir fjallaendana. ”Kallast þær á í rumbunum, Axlaröxl að vestan og Reykjanibba að austan og vandséð hvort allt eru blíðmæli.” Sauðadalur endar við Draugaflá og Þrívörðuás. Þar er gamall reiðvegur milli Svínadals og Vatnsdals. Frá ómunatíð fóru árlega fram þrjár leitir á Sauðadal. Árið 1986 var því breytt og hann leitaður aðeins tvisvar sinnum auk eftirleitar sem alltaf hefur verið eftir að fé er komið í heimahald.
Við suðausturhorn Sandfells á Vatnsdalsfjalli skerst melgil niður í dalinn og ber það tvö nöfn. Vatnsdælingar nefna það Svartagil og læk, sem úr því rennur Svartagilslæk, en Ásamenn tala um Tröllagil og Tröllá. Engar sagnir eru til um uppruna þessara nafna. Sauðadalur er allur hálendur. Þar var fjöldi selja, en dalurinn hefur aldrei verið talinn til byggða, enda þótt við og við væri búið í nokkrunr seljum.

23.3.2023

• Icelandic