Kristinn Bjarnason (1948-2019) Blönduósi

Kristinn Bjarnason fæddist í Reykjavík 9. október 1948 og lést á Landspítala Fossvogi gjörgæsludeild 26. nóvember 2019. Kristinn ólst upp í Reykjavík á Barónsstígnum og í Hlíðunum hjá móður sinni og ömmu og afa.
Útför Kristins fór fram frá Blönduóskirkju, 14. desember 2019, klukkan 13.

Hann lauk námi í Iðnskólanum við múrverk 1963 til 1967 og lærði prentverk 1967 til 1971 hjá Alþýðublaðinu og vann þar sem setjari.
Hann stundaði sjóinn sem háseti á togurum frá Reykjavík og lauk 80 tonna réttindum á bátum 1987 og skipstjórnarprófi 1. stigi frá Stýrimannaskólanum 1988.
Kristinn sótti fjölda tölvunámskeiða, m.a. við Tölvuskóla Reykjavíkur, og nam í þrjár annir tölvunarfræði í Háskólanum í Reykjavík. Hann sinnti almennri tölvuþjónustu við fyrirtæki og stofnanir og aðstoðaði við tölvur á Blönduósi og víðar jafnhliða öðrum störfum. Var mjög laginn við tölvur, sem voru hans áhugamál.

Var víða á bátum og á Blönduósi sem háseti og stýrimaður með hléum um árabil. Starfaði á Blönduósi við sjúkrahúsið, múrverk, húsbyggingar og bílaviðgerðir og við vélaverkstæðið Árvirkni.

Kristinn var í Kiwanisklúbbnum Borgum á Blönduósi og síðar gekk hann til liðs við Lionsklúbbinn Víðarr í Reykjavík, smíðaði heimasíðu þeirra og var með umsjón hennar alfarið síðustu ár sín. Var hann heiðraður með skildi fyrir vikið.

Foreldrar hans voru Bjarni Henriksson málari og listmálari, f. 9. maí 1927 á Höfn Hornafirði, d. 29. sept 1989, og Hjördís Guðmundsdóttir, verka- og verslunarkona, f. 20. febrúar 1929 í Reykjavík, síðar búsett í Danmörku, d. 9. nóv. 2012.
Systkini Kristins í móðurætt eru:
1) Helga Jenný Guðnadóttir, f. 6. ágúst 1954,
2) Ólöf G. Leifsdóttir Christensen, f. 10. júlí 1961,
3) Ari G. Leifsson, f. 20. júlí 1962.
Í föðurætt:
4) Henrik Bjarnason f. 1. apríl 1954,
5) Friðrik Bjarnason f. 9. apríl 1955,
6) Ingibjörg Bjarnadóttir f. 24 júní 1956,
7) Brynhildur Bjarnadóttir f. 14. mars 1963, d. 16. des. 1965,
8) Brynhildur Bjarnadóttir f. 11. febrúar 1966, d. 17. febrúar 1971,
9) Valgerður Bjarnadóttir f. 28. mars 1967, og Fanný Rósa, f. 25. júlí 1974.

Kristinn kvæntist hinn 25. desember 1973 Sveinfríði Sigurpálsdóttur hjúkrunarfræðingi MS, f. 4. ágúst 1948 í Mólandi, Hauganesi. Foreldrar hennar voru Sigurpáll Sigurðsson og Halldóra Guðmundsdóttir, búsett í Mólandi.
Börn Kristins eru: Barn hans:
1) Dagný Hrönn Kristinsdóttir, f. 29. júní 1969. Dætur hennar: Bryndís, f. 18. febrúar 1989, og tvö langafabörn og Bergdís, f. 15. júní 1998. Börn þeirra Sveinfríðar:
2) María Ingibjörg Kristinsdóttir f. 10. apríl 1973, búsett í Hafnarfirði, börn hennar: Kristinn Hrannar Hjaltason, f. 23. júní 1991, Bjartmar Freyr, f. 23. nóvebmber 1994, og Guðrún Alma, f. 30. maí 2001.
3) Dagur Bjarni Kristinsson f. 20. september 1978, búsettur í Reykjavík, barn hans Krista Nótt, f. 20. júlí 2006.

GPJ skráning 13.7.2020

• Icelandic

®GPJ ættfræði https://www.mbl.is/greinasafn/grein/1740810/?item_num=1&searchid=d482600656dfeb9aaef43c9d1fe3ebb89d1daf53&t=177592250&_t=1594639106.5397758