Person

Jóna Sigþrúður Stefánsdóttir (1925-2017) Fossum

19.12.1925 - 21.1.2017

Jóna Sigþrúður Stefánsdóttir. Var á Ekru, Hjaltastaðarsókn, N-Múl. 1930. Húsfreyja á Fossum í Bólstaðarhlíðarhreppi. Síðast bús. á Blönduósi. Fæddist á Ekru í Hjaltastaðaþinghá 19. desember 1925. Jóna ólst upp á Ekru í Hjaltastaðaþinghá. Þar vann hún við hin hefðbundnu sveitastörf. Hún var mikið náttúrubarn og leið best úti í náttúrunni. Vorið 1959 réð hún sig sem ráðskona að Fossum í Svartárdal til þeirra feðga þar. Jóna og Bjössi fóru fljótlega að búa saman og bjuggu félagsbúi með aðskilið skepnuhald en unnu sameiginlega að heyöflun og öðrum bústörfum með bræðrum hans og föður. Hún var bóndi af lífi og sál. Eftir að Bjössi lést 2010 bjó hún til haustsins 2011 með aðstoð Guðmundar sonar síns. Þá flutti hún til Blönduóss að Hnitbjörgum.
Hún lést á Heilbrigðisstofnuninni á Blönduósi 21. janúar 2017. Jóna var jarðsungin frá Bergstaðakirkju 4. febrúar 2017, klukkan 14.

Foreldrar; Stefán Jónsson frá Heyskálum í Hjaltastaðahreppi, bóndi á Ekru, f. 12. febrúar 1893, d. 1. janúar 1968, og Sigurborg Sigurðardóttir frá Litlasteinsvaði í Tunguhreppi, f. 9. ágúst 1890, d. 4. október 1969.
Systkini
1) Aðalheiður Ástdís Stefánsdóttir f. 4. júlí 1920, d. 1. janúar 2006, búsett lengst af í Smiðsgerði í Skagafirði,
2) Sigrún Stefánsdóttir f. 13. desember 1921, d. 16. júlí 1987, búsett lengst af í Reykjavík,
3) Gerður Ingibjörg Stefánsdóttir f. 8 júlí 1927, d. 14. desember 2007, búsett lengst af á Egilsstöðum,
4) Gunnsteinn Stefánsson 23. júní 1930, d. 10. janúar 1986, búsettur á Egilsstöðum.

Maður hennar; Guðmundur Sigurbjörn Guðmundsson 20. febrúar 1930 - 24. september 2010. Var á Fossum, Bergstaðasókn, A-Hún. 1930. Var á Fossum, Bólstaðarhlíðarhr., A-Hún. 1957. Bóndi á Fossum í Bólstaðarhlíðarhreppi.

Börn þeirra;
1) Stefán Sigurbjörn Guðmundsson 25.1.1961, búsettur á Sauðárkróki, kvæntur Unu Aldísi Stefánsdóttur og eiga þau þrjá syni: Sigurð Pál, Rúnar Inga og Atla Stein.
2) Guðrún Guðmundsdóttir 16.1.1962, búsett í Hólmi, Hornafirði, gift Magnúsi Guðjónssyni og eiga þau þrjú börn: Guðjón Örn, Birnu Jódísi og Arndísi Ósk.
3) Guðmundur Guðmundsson 12. október 1966. Fossum Svartárdal og Skagafirði. Kona hans; Helga Þorbjörg Hjálmarsdóttir 11. júlí 1968. Faðir hennar; Hjálmar Sigurjón Guðjónsson 15. mars 1943 - 20. júní 2007 Bóndi á Tunguhálsi í Lýtingsstaðahreppi og deildarstjóri hjá KS. Sinnti ýmsum stjórnunar-, nefndar- og félagsstörfum. Söngáhugamaður og kórfélagi. Systir Helgu er Þórey Elsa (1990).
4) Borgþór Ingi Guðmundsson 13.3.1972, búsettur í Reykjavík.

Fossar í Svartárdal ([1500])

Guðmundur Guðmundsson (1966) Fossum (12.10.1966 -)

Guðmundur Guðmundsson (1930-2010) Fossum (20.2.1930 - 24.9.2010)

HAH05785

IS-HAH

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

Final

Full

GPJ skráning 28.5.2023

• Icelandic

®GPJ ættfræði 28.5.2023
Íslendingabók
Niðjatal. http://gudmundurpaul.tripod.com/magnus.html
Mbl 4.2.2017. https://www.mbl.is/greinasafn/grein/1628038/?item_num=0&searchid=d64c5eec0000b7c2bf99e52ba0de44e21d036ca3