Jónas Reynir Jónsson (1926-2008) Melum Hrútafirði

Hann fæddist á Melum í Bæjarhreppi í Strandasýslu 5. ágúst 1926. Var á Melum, Prestbakkasókn, Strand. 1930. Bóndi á Melum í Bæjarhreppi, síðar húsvörður í Reykjavík. Gegndi ýmsum félags- og trúnaðarstörfum. Reykjaskóla 1945-1946
Eftir að hjónin Elín og Jónas brugðu búi 1989 fluttu þau til Reykjavíkur og Jónas starfaði sem húsvörður í Landsbankanum allt til ársins 1995. Þar eignaðist hann góða félaga sem hann ræktaði samband við eftir að hann lét af störfum. Hann sinnti áhugamáli sínu að spila bridge og eignaðist góðan hóp kunningja í Sólheimunum. Síðustu árin naut hann góðs félagsskapar spilafélaga og vina í safnaðarheimili Langholtskirkju meðan kraftar leyfðu.
Hann lést á líknardeild Landspítalans, Landakoti, föstudaginn 22. febrúar 2008. Jónas var jarðsunginn frá Langholtskirkju 29.2.2008 og hófst athöfnin klukkan 13.

Eftir að barnaskólanámi lauk stundaði Jónas nám við Héraðsskólann að Reykjum í Hrútafirði og síðan í Kennaraskóla Íslands.
Reykjaskóli 1945-1946

Hann var bóndi á Melum 1951-1989 og var skólastjóri Barnaskólans á Hvammstanga á árunum 1960-1963. Þá var hann umboðsmaður Brunabótafélags Íslands í Bæjarhreppi.
Jónas tók alla sína búskapartíð mikinn þátt í félagsstörfum jafnt innan sveitar og utan. Hann var um langt skeið í stjórn Kaupfélags Hrútfirðinga, formaður Ungmennafélagsins Dagsbrúnar og í stjórn Verkalýðsfélags Hrútfirðinga. Hann var formaður Búnaðarsambands Strandamanna um árabil og fulltrúi þess á fundum Stéttarsambands bænda, sat í sýslunefnd Strandasýslu og í stjórn Sambands íslenskra samvinnufélaga. Jónas var mikill framsóknarmaður, fór í framboð fyrir flokkinn í kjördæmi sínu í nokkrum kosningum og sat í miðstjórn flokksins um nokkurra ára skeið.

Foreldrar; Jón Jósefsson 1. sept. 1894 - 15. júní 1952, bóndi á Melum og kona hans; Elísabet Jónasdóttir 23. nóv. 1897 - 17. jan. 1981. Húsfreyja á Melum, Prestbakkasókn, Strand. 1930. Húsfreyja á Melum í Hrútafirði.

bræður hans;
1) Jón Jónsson 15. júní 1925 - 23. jan. 2013. Var á Melum, Prestbakkasókn, Strand. 1930. Bóndi á Melum í Bæjarhreppi. Síðast bús. í Reykjavík. Gegndi ýmsum trúnaðarstörfum. Kona hans 1947; Þóra Ágústsdóttir f. 14. okt. 1927 - 24. jan. 2014. Var í Ánastaðaseli, Kirkjuhvammssókn, V-Hún. 1930. Húsfreyja á Melum í Hrútafirði, síðar bús. í Reykjavík.
2) Sigurður Jónsson f. 26. sept. 1933 - 14. jan. 2023. Bóndi á Melum í Hrútafirði og fékkst við ýmis störf samhliða búskap. Síðar bús. í Reykjavík og Kópavogi.

Kona hans 20. júlí 1952; Elín Þórdís Þórhallsdóttir 2. nóv. 1929 - 12. jan. 2013. Var á Stöpum, Kirkjuhvammssókn, V-Hún. 1930. Húsfreyja að Melum í Hrútafirði, fékkst síðar við matráðsstörf í Reykjavík. Foreldrar hennar voru Þórhallur Bjarnason og Þóra Sigvaldadóttir.

1) Elsa, f. 4. janúar 1952, maki Gunnar Guðjónsson, synir þeirra eru Guðjón Freyr og Hörður,
2) Ína Halldóra, f. 5. júlí 1953, maki Eggert Sveinn Jónsson, börn þeirra eru Reynir Þór og Elín Freyja,
3) Hrafn, f. 7. júlí 1954, d. 14. apríl 2004,
4) Þóra, f. 15. júlí 1956, dóttir hennar er Berglind,
5) Birna, f. 29. október 1959, maki Gunnar Friðgeir Vignisson, synir þeirra Jónas Reynir og Þórhallur Elí. Fyrir átti Gunnar Vigni Þór, Gunnþór Ægi og Ásdísi Rán.

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

GPJ skráning 30.9.2023

• Icelandic

®GPJ ættfræði 30.9.2023
Íslendingabók
Mbl 29.2.2008. https://www.mbl.is/greinasafn/grein/1196443/?item_num=1&searchid=f81567046c6552788720a800f1cfed1fb517b115