Jón Sigurðsson (1930-2008) Hlíðargerði Hvammstanga

Jón Sigurðsson fæddist í Syðstahvammi í Vestur-Húnavatnssýslu 20. desember 1930. Jón ólst upp á Hvammstanga og bjó þar alla ævi.
Var í Hlíðargerði, Hvammstangahreppi, V-Hún. 1957. Bílstjóri og vélgæslumaður á Hvammstanga.
Hann lést á Landspítalanum í Fossvogi 27. mars 2008. Útför Jóns fór fram frá Hvammstangakirkju 5.4.2008 og hófst athöfnin klukkan 14.

Hann vann á unga aldri í vegavinnu, fyrst sem verkamaður og síðar sem ökumaður á flutningabíl. Einnig vann hann um tíma á vélaverkstæði Hjartar Eiríkssonar, en fljótlega eftir tvítugt hóf hann störf hjá Kaupfélagi Vestur-Húnvetninga sem flutningabílstjóri í áætlunarferðum um héraðið og á milli Hvammstanga og Reykjavíkur. Síðar tók hann við vélgæslu frystivéla sláturhúss kaupfélagsins og starfaði við vélgæslustörf til starfsloka, 70 ára að aldri. Einnig var hann sjúkrabílstjóri meðfram föstu starfi allt frá u.þ.b. 1956 þegar Sigurður faðir hans eignaðist Chervolet Custom station-bifreið sem þótti upplögð til sjúkraflutninga.

Jón tók þátt í starfi leikflokksins á Hvammstanga, sem leikari og leikmyndasmiður en ekki síst sem leikmunasmiður.
Jón átti sterkar taugar til fæðingarstaðar síns Syðstahvamms, hann kom sér upp sælureit í hvamminum þar sem hann hóf ræktun trjágróðurs. Hann hafði yndi af að nostra við gróðurinn í frítíma sínum, setjast í grasbalann, hlusta á fuglana syngja sinn söng, njóta staðarins og stundarinnar.

Jón Sigurðsson 20. des. 1930 - 27. mars 2008. Var í Hlíðargerði, Hvammstangahreppi, V-Hún. 1957. Bílstjóri og vélgæslumaður á Hvammstanga.
Foreldrar; Sigurður Davíðsson 13. sept. 1896 - 27. mars 1978. Bóndi og verslunarmaður í Syðstahvammi, Kirkjuhvammssókn, V-Hún. 1930. Var í Kirkjuhvammi, Kirkjuhvammssókn, Hún. 1901. Var í Jóhannshúsi, Hvammstangahreppi, V-Hún. 1957. Síðast bús. í Hvammstangahreppi og kona hans: Ósk Jónsdóttir 10. júlí 1893 - 21. feb. 1964. Ráðskona í Syðstahvammi, Kirkjuhvammssókn, V-Hún. 1930. Var í Jóhannshúsi, Hvammstangahreppi, V-Hún. 1957.
Fyrri kona Sigurðar var; Margrét Halldórsdóttir 3. okt. 1895 - 22. apríl 1983, Húsfreyja í Syðstahvammi, Kirkjuhvammshreppi, V-Hún. 1920. Vinnukona á Laufásvegi 2, Reykjavík 1930. Húsfreyja. Síðast bús. í Kópavogi. Þau skyldu.

Systkini samfeðra eru;
1) Davíð Sigurðsson 26. nóv. 1919 - 24. jan. 1981. Kennari í Reykjavík 1945. Forstjóri Fiat umboðsins í Reykjavík. Síðast bús. í Garðabæ.
2) Anna Sigurðardóttir 12. jan. 1921 - 19. ágúst 1996. Var í Syðstahvammi, Kirkjuhvammssókn, V-Hún. 1930. Síðast bús. í Kópavogi.
3) Halldór Sigurðsson (Gunnar Dal) 4. júní 1923 - 22. ágúst 2011. Var á Laufásvegi 2, Reykjavík 1930. Rithöfundur, þýðandi og heimspekingur í Reykjavík.
4) Garðar Sigurðsson 6. okt. 1924 - 28. maí 2020. Verslunarmaður, einn af stofnendum Fiat umboðsins og starfaði þar um árabil. Var í Syðstahvammi, Kirkjuhvammssókn, V-Hún. 1930. Flugmaður, laxveiðimaður, briddsspilari og hagyrðingur.
5) Guðmann Heiðmar Sigurðsson 18. ágúst 1928 - 25. apríl 2004. Var á Laufásvegi 2, Reykjavík 1930. Fósturmóðir: Arnfríður Jóna Stefánsdóttir. Verslunarmaður og leigubílstjóri í Reykjavík.
Albróðir;
6) Björn Þórir Sigurðsson 18. feb. 1935 - 22. sept. 2018. Sjómaður og verkamaður á Hvammstanga. Var í Jóhannshúsi, Hvammstangahreppi, V-Hún. 1957.

Kona hans 20.12.1953; Ingveldur Ástbjörg Ögmundsdóttir 4. maí 1932 - 9. júní 2018. Húsfreyja, talsímavörður og síðar pósthússtarfsmaður á Hvammstanga. Var í Hlíðargerði, Hvammstangahreppi, V-Hún. 1957. Síðast bús. á Hvammstanga.

Börn;
1) Sigurður Birgir Jónsson f. 11.8. 1953, búsettur á Hvammstanga. Birgir kvæntist Ernu I. Helgadóttur, f. 15.12. 1951, þau slitu samvistir. Börn þeirra eru Erla Birna, f. 1976, sambýlismaður hennar er Magnús Örn Jóhannsson, f. 1975, dóttir þeirra er Arnrún Ósk, f. 2005. Sonur Magnúsar er Jóhann Örn f. 1998. Búsett í Mosfellsbæ. b) Jón Helgi, f. 1981, kvæntur Dönu Jóhannsdóttur, f. 1983, börn þeirra eru Sebastian, f. 1999, Tara Líf, f. 2004, og Tiffany Lind, f. 2005. Búsett í Svíþjóð. c) Ástmar Yngvi, f. 1989. Búsettur í Reykjavík.
2) Anna Kristín Jónsdóttir f. 5.3. 1956, búsett í Noregi, gift Arne Braaten, f. 27.11. 1954. Synir þeirra eru a) Reidar Freyr, f. 1979. Kvæntur Hege Jakobsen, f. 1979, sonur þeirra er Ymer, f. 2003. Þau eru búsett í Noregi. b) Ásgeir, f. 1981. c) Jón Sindre, f. 1986.
3) Ósk Jónsdóttir f. 16.3. 1959, búsett í Reykjavík, gift Magnúsi Kristinssyni, f. 24.6. 1959. Börn þeirra eru a) Elmar, f. 1984, sambýliskona hans er Linda Sivertsen, f. 1986, búsett í Danmörku. b) Ernir f. 1993. c) Salka Arney, f. 1997, og Kolka Máney, f. 1997.

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

GPJ skráning 2.10.2023

• Icelandic

®GPJ ættfræði 2.10.2023
Íslendingabók
mbl 5.4.2008. https://www.mbl.is/greinasafn/grein/1204580/?item_num=62&searchid=77550395f559f42aaa14f29d1041da9faeaa627d
mbl 11.6.2020. https://www.mbl.is/greinasafn/grein/1754487/?item_num=2&searchid=679710694ae84e3fc69274a0d4adcf4063f54246