Person

Ingibjörg Jónína Níelsdóttir (1918-2013) Marðarnúpi

• Ingibjörg Jónína Níelsdóttir (1918-2013) Marðarnúpi

23.2.1918 - 11.6.2013

Ingibjörg Jónína Níelsdóttir fæddist að Kóngsbakka í Helgafellssveit 23. febrúar 1918. Hún lést á hjúkrunarheimilinu Droplaugarstöðum 11. júní 2013. Ingibjörg ólst upp hjá ömmu sinni, Ingibjörgu Kristmundsdóttur og manni hennar Jóni Baldvinssyni, og bjó með þeim og Jennýju móðursystur sinni víða í Vatnsdalnum, fyrst að Snæringsstöðum, síðan Breiðabólsstað, Marðanúpi og Sveinsstöðum og loks að Hvammi. Hún stundaði nám í Kvennaskólanum á Blönduósi í hálfan annan vetur, 1937-1938, en fluttist til Reykjavíkur í stríðsbyrjun og gerðist vinnukona hjá betri borgurum bæjarins. Hún vann síðar við saumaskap, m.a. hjá Belgjagerðinni, og við ræstingar í Vogaskóla í áraraðir. Húsmóðurstarfið og uppeldi fimm barna var þó hennar aðalstarf í áratugi. Heimili hennar og Gísla í Ferjuvogi 15 stóð öllum opið, jafnt vinum þeirra og barnanna sem ættingjum að austan og norðan.

Útför Ingibjargar verður gerð frá Grensáskirkju í dag, 19. júní 2013, og hefst athöfnin kl. 13.

Kóngsbakki á Snæfellsnesi: Snæringsstaðir, Breiðibólsstaður, Marðarnúpur og Hvammur í Vatnsdal A-Hún.: Reykjavík:

Kvsk á Blönduósi 1937-1938:

Foreldrar hennar voru Halldóra Guðrún Ívarsdóttir, f. 12.3. 1887, d. 19.10. 1967, og Níels Hafsteinn Sveinsson, f. 18.10. 1876, d. 22.10. 1930, bæði úr Húnaþingi.
Systkini Ingibjargar voru: Sveinn Ívar Níelsson, f. 1912, d. 1999; Jóhanna Gíslína Níelsdóttir, f. 1914, d. 1940; María Guðrún Níelsdóttir, f. 1916, d. 1973; Rósa Aðalheiður Níelsdóttir, f. 1920, d. 1995; Ingunn Helga Níelsdóttir, f. 1923, d. 2001; Helga Heiðbjört Níelsdóttir, f. 1926, d. 2010; Elsa Péturína Níelsdóttir, f. 1930. Elsa lifir systkini sín.

Ingibjörg giftist 3. júní 1944 Gísla Gíslasyni verslunarmanni, f. 30. nóv. 1916, d. 23. okt. 2006. Foreldrar hans voru Gísli Brynjólfsson og Kristín Jónsdóttir frá Haugi í Gaulverjabæjarhreppi. Börn Ingibjargar og Gísla eru fimm, barnabörnin fimmtán og barnabarnabörnin tuttugu og fjögur.
Börn þeirra eru:
1) Kristinn Hilmar, f. 25.11. 1945, kvæntur Auði Björg Sigurjónsdóttur, þau eiga fjögur börn: a) Sigurður Gunnar, kvæntur Svanhvít Huldu Jónsdóttur, þau eiga þrjú börn, b) Sigrún Inga gift Auðuni Kristinssyni, þau eiga þrjú börn, c) Þórhildur María, í sambúð með Kristófer Ólafssyni, þau eiga tvær dætur, d) Kristinn Kári.
2) Halldóra Jenný, f. 14.11. 1947 gift Reyni Ragnarssyni, þau eiga þrjú börn: a) Guðrún, gift Robert Kilian, þau eiga tvær dætur, b) Gísli, kvæntur Sigríði Bryndísi Stefánsdóttur, þau eiga tvö börn, c) Arnar Gauti, kvænur Sigríði Völu Halldórsdóttur, þau eiga eina dóttur.
3) Kjartan, f. 9.7. 1950, kvæntur Ólöfu S. Jónsdóttur, þau eiga þrjú börn: a) Erna Guðríður, gift Þorbirni Ólafssyni, þau eiga tvö börn, b) Ingibjörg Rós, í sambúð með Ísleifi Birgissyni, þau eiga einn son, c) Jón Ólafur.
4) Óskar Sveinn, f. 25.9. 1951, kvæntur Vilborgu Heiðu Waage, þau eiga þrjú börn: a) Guðmundur Arnar, í sambúð með Sigurborgu Matthíasdóttur, hún á þrjú börn, b) Kristín, c) Anna Jóna, hún á fimm börn.
5) Ingibjörg Sólrún, f. 31.12. 1954, gift Hjörleifi Sveinbjörnssyni, þau eiga tvo syni: a) Sveinbjörn, b) Hrafnkell, unnusta hans er Þyrí Huld Árnadóttir.

Halldóra Ívarsdóttir (1887-1967) Aralæk (12.3.1887 - 19.10.1967)

Níels Sveinsson (1876-1930) Þingeyraseli (18.10.1876 - 22.10.1930)

Ingunn Helga Níelsdóttir (1923-2011) frá Þingeyrarseli (17.12.1923 - 14.5.2001)

Elsa Níelsdóttir (1930-2020) frá Þingeyrarseli (2.4.1930 -)

Ívar Níelsson (1912-1999) Flögu (29.12.1912 - 23.4.1999)

Rósa Níelsdóttir (1920-1995) frá Þingeyrardeli (18.8.1920 - 29.12.1995)

Helga Heiðbjört Níelsdóttir (1926-2010) (14.2.1926 - 19.1.2010)

HAH01489

IS HAH

Final

Full

GPJ 23.6.2017

• Icelandic

®GPJ ættfræði
Íslendingabók
mbl 19.6.2013. https://www.mbl.is/greinasafn/grein/1469966/?item_num=0&searchid=cafd226f2447ef8f1f7971776a48d7a105184a8c