Hannes Guðmundsson (1925-2008)

Hannes Guðmundsson fæddist á Hafgrímsstöðum í Skagafirði 3. apríl 1925. Hann lést á Heilbrigðisstofnun Blönduóss 10. september síðastliðinn. Hannes lauk búfræðinámi frá Bændaskólanum á Hvanneyri og var lengst af bóndi á Auðkúlu í Svínavatnshreppi þar sem hann stýrði, ásamt móður sinni framan af, stóru og mannmörgu heimili. Margir vinnumenn bjuggu á Kúlu þegar mest var og dvöldu systkinabörn Hannesar þar flest sumur. Hannes var virkur í margskonar félagsstörfum í sveitinni samhliða búskapnum s.s. í þágu ungmennafélagsins á sviði frjálsra íþrótta og glímu þar sem hann leiðbeindi um skeið. Hann tók einnig þátt í kórastarfi og leiklist og aðstoðaði sveitunga sína við margskonar sérhæfð bústörf. Hannes dvaldi síðustu æviár sín á Heilbrigðisstofnun Blönduóss eftir að heilsu hans hrakaði.
Útför Hannesar verður gerð frá Svínavatnskirkju í dag og hefst athöfnin klukkan 16.

Hafgrímsstaðir í Skagaf.: Sléttárdalur A-Hún: Auðkúla:

búfræðingur frá Bændaskólanum á Hvanneyri :

Bóndi:

Foreldrar hans voru Guðmundur Kristjánsson bóndi í Sléttárdal, f. 17.3. 1888, d. 8.4. 1939, og Pálína Anna Jónsdóttir húsfreyja, f. 8.10. 1894, d. 2.12. 1972.
Systkini Hannesar voru Guðrún Halldóra, f. og d. 1920, Arnljótur húsasmíðameistari f. 17.4. 1929, d. 7.7. 2002, og Elín S. bókavörður, f. 24.4. 1931, d. 20.6. 2006, bæði búsett í Reykjavík.

GPJ 23.5.2017

• Icelandic

http://www.mbl.is/greinasafn/minningaleit/