Person

Halldóra Aðalbjörg Eggertsdóttir (1916-2000)

7.12.1916 - 25.11. 2000

Halldóra Aðalbjörg Eggertsdóttir fæddist að Skúfum í Norðurárdal 7. desember 1916. Hún lést á Landspítalanum við Hringbraut 25. nóvember síðastliðinn. Halldóra lauk stúdentsprófi frá Menntaskólanum á Akureyri 1939, kennaraprófi frá Kennaraskóla Íslands 1940 og hússtjórnarkennaraprófi frá Hússtjórnarkennaraskóla Íslands 1944. Hún starfaði sem kennari við Barnaskóla Siglufjarðar 1940-1942. Skólastjóri Húsmæðraskóla Suðurlands á Laugarvatni 1944-1946 og 1947-1948. Stundakennari við Hússtjórnarkennaraskóla Íslands 1968-1969 og 1974-1975. Námsstjóri húsmæðrafræðslunnar 1948-1969, er staðan var lögð niður. Fulltrúi í heimilisfræði á Fræðsluskrifstofu Reykjavíkur 1969-1986.
Halldóra tók virkan þátt í félagsmálum. Hún var formaður Húsmæðrakennarafélags Íslands 1947-1953, formaður kennarafélagsins Hússtjórnar 1953-1977 og í stjórn Landssambands framhaldsskólakennara 1955-1964. Í stjórn Neytendasamtakanna 1953-1968. Ritari og varaformaður í Bandalagi kvenna í Reykjavík 1972-1978 og varaformaður 1978-1980. Stofnfélagi í Alfa-deild Delta Kappa Gamma Society International 1975 og hefur unnið þar ýmis trúnaðarstörf. Stofnfélagi í Soroptimistaklúbbi Reykjavíkur 1959 en hann var fyrsti klúbbur sinnar tegundar hér á landi. Erlendur bréfritari Soroptimistaklúbbs Reykjavíkur 1959-1966 og síðan formaður klúbbsins 1966-1968. Formaður útbreiðslunefndar Soroptimistaklúbbs Reykjavíkur 1970-1974 og síðan Soroptimistasambands Íslands 1976-1982. Sendifulltrúi samtakanna á fjölmörgum sendifulltrúaþingum Evrópusambands Soroptimista. Formaður bráðabirgðastjórnar Soroptimistasambands Íslands 1973-1974 og síðan forseti sambandsins 1974-1976. Annar varaforseti Evrópusambands Soroptimista 1977-1979. Stofnandi 12 klúbba Soroptimista 1973-1983 og annaðist útgáfu ýmiss konar fræðsluefnis fyrir samtökin. Heiðursfélagi Soroptimistasambands Íslands 1983 og Hússtjórnarkennarafélags Íslands 1986.
Ritstörf: Nýja matreiðslubókin (ásamt Sólveigu Benediktsdóttur) 1954; Þvottur og ræsting (þýð.) 1948; Heimilisáhöld 1954. Hún var sæmd riddarakrossi hinnar íslensku fálkaorðu 1977.
Halldóra var ógift og barnlaus.
Útför Halldóru fór fram frá Háteigskirkju6.12.2000 og hófst athöfnin klukkan 15.

Skúfar í Norðurárdal A-Hún: Akureyri: Reykjavík: Laugavatn

Stúdentspróf frá Menntaskólanum á Akureyri 1939: Kennaraprófi frá Kennaraskóla Íslands 1940: Hússtjórnarkennarapróf frá Hússtjórnarkennaraskóla Íslands 1944:

Hússtjórnarkennari / skólastjóri:

Ritstörf: Nýja matreiðslubókin (ásamt Sólveigu Benediktsdóttur) 1954; Þvottur og ræsting (þýð.) 1948; Heimilisáhöld 1954. Hún var sæmd riddarakrossi hinnar íslensku fálkaorðu 1977.

Foreldrar hennar voru Ingibjörg Jóninna Jónsdóttir, f. 22. júlí 1891, d. 6. mars 1981 og Eggert Ragnar Sölvason, f. 18. september 1876, d. 3. mars 1963.

Systkini Halldóru eru;
1) Sigríður Hildigunnur Eggertsdóttir, f. 3. febrúar 1918
2) Gissur Þór Eggertsson, f. 25. september 1921. Kona hans er Sigríður Davíðsdóttir, f. 5. mars 1920. Fóstursonur þeirra er Runólfur Runólfsson. Kona hans er Gerður Hafsteinsdóttir og eiga þau þrjú börn og eitt barnabarn.

Fóstursystir Halldóru er;
3) Rósa Pálsdóttir, f. 1. september 1911.

Skúfur í Norðurárdal ((1930))

Hildigunnur Sigríður Eggertsdóttir (1918-2015) frá Skúfi (5.2.1918 - 24.3.2015)

HAH01363

IS HAH

Final

Full

GPJ 23.5.2017

®GPJ ættfræði https://www.mbl.is/greinasafn/grein/576165/?item_num=1&searchid=c025134a631377a4537cf4448ac9fa479a27bc15