Halla Jökulsdóttir (1952-2016) frá Núpi

• Sigurlaug Halla Jökulsdóttir (1952-2016) frá Núpi

• Sigurlaug Halla Jökulsdóttir frá Núpi

Sigurlaug Halla Jökulsdóttir fæddist á Skagaströnd í Austur-Húnavatnssýslu 30. september 1952. Hún lést á gjörgæsludeild sjúkrahússins á Akureyri 16. september 2016.

Halla flutti á fimmta ári að Núpi í Laxárdal með foreldrum sínum ásamt tveimur yngri bræðrum, þar sem þau tóku við búi fósturforeldra föðurs hennar. Halla sótti nám í farskóla sveitarinnar, var einn vetur í Blönduskóla og síðan tvo vetur í grunnskólanum á Skagaströnd. Veturinn 1967 vann Halla við mötuneyti Reykjaskóla í Hrútafirði og árið eftir fór hún í Húsmæðraskólann á Laugalandi. Flutti hún þá til Akureyrar og vann við ýmis störf meðal annars við Fjórðungssjúkrahúsið. Eftir að börnin fæddust starfaði Halla jafnhliða barnauppeldi og heimilisstörfum á sjúkrahúsinu á Blönduósi með hléum. Vorið 1980 festu hjónin kaup á jörðinni Efri-Mýrum í Engihlíðarhreppi og ráku þar aðallega eggjabúskap allt til ársins 2008. Halla hafði gaman af félagsmálastörfum og var virkur félagi í JC hreyfingunni um nokkurra ára bil.

Skagaströnd; Núpur; Efri-Mýrar; Blönduós:

Foreldrar hennar voru Jökull Sigtryggsson, fæddur á Blönduósi 18. apríl 1926, d. 16. júní 2016, og Valgerður Kristjánsdóttir frá Neðri Hjarðardal við Dýrafjörð, fædd 19. júní 1931. Halla eins og hún var alla tíð nefnd var elst fjögurra systkina: Kristján, f. 1953, búsettur í Namibíu, Valgarður, f. 1954, búsettur í Mosfellsbæ, og Jón Tryggvi, f. 1964, búsettur á Siglufirði.
Halla giftist Gísla Jóhannesi Grímssyni, f. 16. júlí 1950, frá Saurbæ í Vatnsdal. Foreldrar hans voru hjónin Grímur Gíslason og Sesselja Svavarsdóttir.
Börn Höllu og Gísla eru:
1) Valgerður Soffía, f. 1971, gift Guðmundi Stefáni Grétarssyni. Börn þeirra eru Gísli Jóhannes og Svanhildur sem á dótturina Valgerði Söru. Kjörbarn Gísla.
2) Anna, f. 1973, gift Ólafi Weywadt Stefánssyni. Dóttir þeirra er Halla Katrín. Fyrir átti Anna synina Kristján Atla, Sigtrygg Einar og Sigurjón Stefán.
3) Rannveig Lena, f. 1975. Börn hennar eru Anton Einar og Elísa Sif.
4) Árný Sesselja, f. 1978, gift Óskari Þór Ársælssyni. Synir hans eru Sigurður Karl og Hlynur Ingi.
5) Jökull Snær, f. 1979, giftur Oddnýju Svönu Þorláksdóttur. Sonur þeirra er Birnir Snær. Fyrir átti Jökull Magneu Dís, Smára Þór og Alexander Snæ. Oddný átti fyrir Aron Leó.

6.9.2017 frumskráning í atom, SR
GPJ 2.6.2018, viðbót.

• Icelandic

http://www.mbl.is/greinasafn/grein/1612242/?item_num=0&searchid=40c7e4e951445f1fa64aa829e71819bb27f29d14&t=465213835&_t=1504706288.58 sótt þann 6.9.2017

SR