Gunnlaugur Gunnlaugsson (1915-1991). Heiðarseli í Jökulsárhlíð

• Gunnlaugur Vilhjálmur Gunnlaugsson Heiðarseli í Jökulsárhlíð

Gunnlaugur V. Gunnlaugsson, Heiðarseli Gunnlaugur Vilhjálmur Gunnlaugsson, bóndi í Heiðarseli, er látinn, 75 ára að aldri. Hann andaðist í Borgarspítalanum í Reykjavík mánud. 11. mars sl. af völdum blóðtappa sem hannhafði fengið tveimur dögum áður. Hann komst lítt til meðvitundar þann stutta tíma sem hann lá banaleguna.
Þó höggið kæmi snöggt og óvænt, má það teljast mikil blessun að hann þurfti ekki að heyja langa baráttu hins lamaða og ósjálfbjarga, sem óhjákvæmilega hefði fylgt í kjölfar þessa sjúkdóms. Gunnlaugur fæddist í Heiðarseli í Norður-Múlasýslu 2. nóvember árið 1915 og þar eyddi hann mestum hluta ævinnar.
Árið 1947 hóf hann eigin búskap í Heiðarseli ásamt Gunnhildi Björnsdóttur eftirlifandi eiginkonu sinni sem hann hafði kynnst í æsku.
Gunnlaugur átti við mikil veikindi að stríða á árunum 1954 til 1964 og var þá oft langdvölum að heiman til að leita sér lækninga. Mæddi þá mikið á Gunnhildi og börnunum, en Gunnhildur bjó einnig við vanheilsu.
Með ótrúlegum dugnaði tókst þeim hjónum að halda búinu gangandi og koma upp börnunum jafnframt því sem Gunnlaugur vann bug á veikindum sínum. Bjó hann við nokkuð góða heilsu eftir það.

Heiðarsel í Jökulsárhlíð N-Múl:

Bóndi

Þau hjónin eignuðust átta börn, sem öll eru á lífi. Þau eru:
1) Guðrún kennari á Eskifirði,
2) Gunnlaugur deildarstjóri á Egilsstöðum,
3) Sigrún matreiðslumaður í Mosfellsbæ,
4) Anna bóndi á Haugum í Skriðdal,
5) Björn bóndi í Heiðarseli,
6) Sigurður verkstjóri í Hlíð, seinna Blönduósi
7) Helga starfsm. Kaupfélags Héraðsbúa
8) Kári vinnuvélstjóri á Egilsstöðum.
Þar að auki ólu þau upp dótturdóttur sína Huldu Jónasdóttur frá tveggja ára aldri.

22.5.2017

• Icelandic

®GPJ ættfræði
Íslendingabók
mbl 21.3.1991. https://www.mbl.is/greinasafn/grein/65911/?item_num=8&searchid=5dcbc2aa6eade0307d559d8060d5f169d8333e26