Guðrún Ingibjörg Lárusdóttir fæddist á Vindhæli á Skagaströnd 12. júlí 1930. Hún lést á Heilbrigðisstofnun Vesturlands á Akranesi 20. september 2010.

Ingibjörg ólst upp á Vindhæli á Skagaströnd til 5 ára aldurs en þá flutti fjölskyldan í þorpið á Skagaströnd. Ingibjörg bjó ásamt fjölskyldu sinni á Jökuldal í 12 ár, fyrst á Hauksstöðum og síðan á Gilsá. Árið 1963 flutti fjölskyldan til Skagastrandar, en þar bjó Ingibjörg til ársins 1996 þegar hún flutti í íbúðir aldraðra í Nestúni á Hvammstanga.
Ingibjörg verður jarðsungin frá Hvammstangakirkju í dag, 1. október 2010, klukkan 15.

Ingibjörg sinnti hefðbundnum sveitastörfum auk húsmóðurhlutverksins meðan hún bjó í sveit. En frá 1967 stundaði hún ýmis störf utan heimilis svo sem fiskvinnslu, rækjuvinnslu en lengst vann hún við ræstingar og í mötuneyti Höfðaskóla á Skagaströnd, eða allt til ársins 1995 þegar hún lét af störfum vegna heilsubrests.

Hún var dóttir hjónanna Lárusar Guðmundar Guðmundssonar, f. 1896, d. 1981 og Láru Kristjánsdóttur, f. 1901, d. 1993. Ingibjörg átti 3 systkini: Soffíu Sigurlaugu, f. 1925 d. 2010, Kristjönu Sigurbjörgu, f. 1926 og Guðmund, f. 1929, d. 2002.
Ingibjörg hóf sambúð 1951 með Sigurði Magnússyni frá Hauksstöðum á Jökuldal, fæddur 1. júlí 1930, þau slitu samvistir.
Börn þeirra:
1) Guðmundur Haukur, f. 4. nóvember 1951,
2) Sigurður, f. 20. september 1953,
3) Svanfríður, f. 16. febrúar 1958,
4) Þórdís, f. 17. júlí 1960,