Erna Svavarsdóttir (1945-2017) Þórðarhúsi Blönduósi

• Erna Svavarsdóttir

Erna Svavarsdóttir 27. október 1945 - 29. apríl 2017 Var í Þórðarhúsi, Blönduóshr., A-Hún. 1957. Starfaði við þjónstu- og skrifstofustörf, stofnaði síðar og rak blómabúð á Blönduósi, síðar saumakona í Reykjavík.
Hún lést á Hjúkrunarheimilinu Ísafold í Garðabæ 29. apríl 2017.

Þórðarhús á Blönduósi: Reykjavík:

Kvsk á Blönduósi:

Erna sleit barnsskónum á Blönduósi. Hún byrjaði ung að vinna eins og tíðkaðist þá, eða strax að loknu skyldunámi og námi í Kvennaskólanum á Blönduósi. Hún vann þá á Héraðshæli A-Húnvetninga og Hótel Blönduósi. Síðar einnig á Hótel Borgarnesi. Í framhaldi af því flutti hún til Reykjavíkur og vann þá bæði við afgreiðslustörf í kjötbúð Guðlaugs Guðmundssonar og umönnunarstörf á Kleppi. Frá árinu 1967 bjó Erna á Blönduósi og vann þar bæði við þjónustu- og skrifstofustörf, m.a. hjá Kaupfélagi Húnvetninga og Vélsmiðju Húnvetninga. Erna átti svo og rak blómabúðina Bæjarblómið á Blönduósi og sinnti því starfi af áhuga og gleði allt þar til hún flutti til Reykjavíkur árið 1997. Hún hóf þá störf á saumastofunni í Kringlunni og vann þar til hún hætti störfum 65 ára.

Foreldrar hennar voru Guðmann Svavar Agnarsson verkamaður, f. 22. febrúar 1912, d. 19. júlí 1978. Vinnumaður á Blöndubakka, Höskuldsstaðasókn, A-Hún. 1930. Var í Þórðarhúsi, Blönduóshr., A-Hún. 1957. Síðast bús. í Blönduóshreppi. Nefndur Guðmann Svavar í 1930, og Þóra Þórðardóttir saumakona, f. 10. febrúar 1915, d. 16. júlí 2005. Vinnukona á Ytri-Löngumýri, Auðkúlusókn, A-Hún. 1930. Var í Þórðarhúsi, Blönduóshr., A-Hún. 1957.
Systir Ernu er;
1) Guðrún Agnes Svavarsdóttir, f. 26. mars 1948. Var í Þórðarhúsi, Blönduóshr., A-Hún. 1957.

Maður hennar 8. ágúst 1967; Stefán Björn Steingrímsson 11. janúar 1938 - 10. júlí 2015 Var á Móbergi, Engihlíðarhr., A-Hún. 1957. Rafvirkjameistari, veghefilsstjóri og landpóstur á Blönduósi, síðar kirkjuvörður og rafvirki í Reykjavík.
Dóttir þeirra er
1) Þóra Stefánsdóttir, f. 1. nóvember 1968. Börn hennar og Inga Guðjónssonar, fyrrv. sambýlismanns, eru Kolbrún Erna, f. 24. mars 2001, og Bergvin Logi, f. 11. júní 2005.

GPJ 10.4.2018

• Icelandic

®GPJ ættfræði https://www.mbl.is/greinasafn/grein/1640628/?item_num=0&searchid=e766550d388b92917c09494d337187cb9fc2e069&t=123791303&_t=1522370067.35