Einar Adolf Evensen fæddist á Blönduósi 13. desember 1926. Hann andaðist á Heilbrigðisstofnuninni á Blönduósi 18. apríl síðastliðinn.
Einar ólst upp á Akureyri til 10 ára aldurs hjá móðursystur sinni Þorvildi Einarsdóttur og ömmu sinn Björgu Jóhannsdóttur. Síðan fluttu þau til Blönduóss og bjuggu þar síðan.
Einar unni ferðalögum og ferðaðist mikið innanlands sem utan og var einkar fróður um flesta staði og staðhætti. Ættfræðin var og Einari mjög hugleikin.
Útför Einars verður gerð frá Blönduóskirkju í dag 26. apríl 2008 og hefst athöfnin klukkan 15.

Einar gegndi einnig trúnaðarstörfum fyrir sitt sveitarfélag og sat meðal annars í hreppsnefnd Blönduóss, byggingarnefnd og var byggingafulltrúi til margra ára. Hann stofnaði ásamt félögum sínum trésmiðjuna Fróða Hf árið 1956 og var framkvæmdastjóri þess fyrirtækis meðan það starfaði.

Foreldrar hans voru Gústaf Adolf Evensen, f. í Noregi 1896, d. þar 1984 og Ingibjörg Jóhanna Einarsdóttir frá Þverá í Norðurárdal, f. 1899, d. 1993. Bróðir Einars er Erling Evensen, f. 1936, maki Lillan W. Evensen, þau búa í Þrándheimi.
Einar giftist 24.4.1952 Anne Helene Jóhannsdóttur, f. 10.12.1933. Þau eiga þrjú börn, þau eru:
1) Erla Björg Evensen, f. 1952, maki Guðmundur, f. Haraldsson. Þau eiga þrjú börn og 5 barnabörn.
2) Þorvaldur Ingi Evensen, f. 1954, maki Charlotta Evensen. Þau eiga fimm börn.
3) Jóhann Kári Evensen, f. 1957, maki Elísabet Jónsdóttir. Þau eiga þrjú börn og 5 barnabörn.