Björg Benediktsdóttir (1894-1991) Lækjardal

• Björg Benediktsdóttir Lækjardal

Björg Benediktsdóttir frá Efri-Lækjardal Fædd 13. janúar 1894 Dáin 20. nóvember 1991 Fyrir ári var ég á leið til útlanda og síðasta verk mitt áður en að ég lagði af stað var að koma við hjá Björgu og kveðja hana. Eins og ævinlega fékk ég í fararnesti góðar óskir og tilmæli um að fara nú varlega. Ég hét því og bað hana að taka nú ekki upp á neinu meðan ég væri í burtu. Hún hélt nú ekki að hætta væri á því, ég kæmi og segði henni ferðasöguna þegar ég kæmi heim, sem ég og gerði, henni til óblandinnar ánægju. Þann 19. nóvember síðastliðinn var ég aftur á leið í flandur eins og hún sagði stundum og fáeinum dögum áður en ég lagði af stað fór ég til hennar, þá var hún hress og kát, stríddi mér góðlátlega, spurði hvort ég hefði eignast eitthvað í safnið mitt nýlega. Hýrnaði öll þegar yngstu börnin mín tvö stungu sér inn um dyrnar og komu að rúminu hennar. Þegar við kvöddum hana bað hún okkur allrar blessunar og bað mig að fara nú varlega. En við heimkomuna nú var rúmið hennar autt. Hún hafði kvatt þessa veröld að kvöldi 20. nóvember á afmælisdegi elsta bróður míns. Húsfreyja í Efri Lækjardal, Engihlíðarhr., A-Hún. Var þar 1957.

Efri-Lækjardalur Refasveit A-Hún.

16.5.2017

• Icelandic

®GPJ ættfræði
ÆAHún bls 554