Baldur Ármann Þorvaldsson (1946-1977)

• Baldur Þorvaldsson (1946-1977)

• Baldur Ármann Þorvaldsson

Baldur Ármann Þorvaldsson 9. desember 1946 - 28. apríl 1977 Var í Bræðraborg, Blönduóshr., A-Hún. 1957. Vélvirki á Blönduósi. Baldur ólst upp á Blönduósi hjá foreldrum sínum en vorið 1960 missti hann móður sína. Ævi Baldurs varð ekki löng en töluvert innihaldsrík. Við minnumst ekki sjúkdómsins nú, heldur mannsins sem þroskaðist þrátt fyrir sjúkdómmn. Baldur vissi um nálægð dauðans. Hann vissi að kallið gæti komið á hverri stundu. Þessari vitneskju tók hann skynsamlega. Athafnir hans einkenndust af stefnufestu. Aldrei brá fyrir vonleysi eða uppgjöf.
Hann gekk að hverju verki með áhuga og dugnaði, bjó í haginn fyrir konu sína og börn.
Þá var Baldur mikill hvatamaður að og einn af stofnendum Hjálparsveitar skáta á Blönduósi. Þessu málefni var hann drjúgur liðsmaður. Hann eignaðist marga trausta vini þótt ævin yrði ekki löng. Síðustu árin gekk Baldur ekki heill til skógar. Vorið 1971 fékk hann fyrst aðkenningu heilablæðingar. Hann náði sér að mestu eftir það áfall, en fleiri komu á eftir. Síðustu tvö ár ævinnar dvaldi hann mest á sjúkrahúsum.
Hann andaðist á Landsspítalanum í Reykjavík 28. apríl 1977

Sveinsprófi lauk Baldur fjórum árum síðar og meistarapróf í greininni hlaut hann í ársbyrjun 1970.

Hann fór snemma að vinna í vélsmiðjunni hjá föður sínum og þar hóf hann nám í vélvirkjun í september 1962. Lengst af starfaði Baldur í Vélsmiðjunni Vísi en var á fjórða ár starfsmaður Sölufélagsins.

Foreldrar hans voru hjónin Þorvaldur Þorláksson vélsmiður og Jónína Andrós Jónsdóttir frá Hreggsstöðum á Barðaströnd.
Systkini Baldurs voru
1) Margrét Þorvaldsdóttir 7. júní 1944 Var í Bræðraborg, Blönduóshr., A-Hún. 1957.
2) Þorlákur Þorvaldsson 26. febrúar 1948 Var í Bræðraborg, Blönduóshr., A-Hún. 1957.
3) Bjarni Jón Þorvaldsson 11. júlí 1949 - 9. desember 1973 Var í Bræðraborg, Blönduóshr., A-Hún. 1957. Símavörður Kópavogi.
4) Jónína Kristjana Þorvaldsdóttir 4. mars 1954 Var í Bræðraborg, Blönduóshr., A-Hún. 1957.
Seinni kona Þorvaldar var Jenný Marta Kjartansdóttir 3. apríl 1936 - 6. apríl 2017 Húsfreyja, verkakona og rak skóverslun á Blönduósi. Síðast bús. í Reykjavík, frá Eyvík í Grímsnesi,
Þeirra börn eru
5) Jóhanna Þorvaldsdóttir 7. febrúar 1963, Maður hennar var Sigurður Sveinsson 27. febrúar 1955 símvirki á Sauðárkróki.
6) Þorvaldur Einar Þorvaldsson 17. október 1964
Hinn 1. júlí 1967 kvæntist Baldur konu sinni, Huldu Baldursdóttur f. 12. júlí 1948 - 15. apríl 2009. Var í Hreppshúsinu, Blönduóshr., A-Hún. 1957. Húsfreyja á Ísafirði og Blönduósi. Síðast bús. á Blönduósi. Kynni þeirra höfðu staðið allt frá bernsku.

Börn Huldu og Baldurs eru
1) Jónína, f. 22. mars 1966, Börn Jónínu eru Árný Rós, f. 15. ágúst 1982, Hulda Lind, f. 9. mars 1985, tvíburarnir Baldur Ármann og Sandra Hrönn, f. 16. september 1986, og Steinunn Ósk, f. 14. janúar 1997.
2) Baldur Reynir, f. 5. desember 1969, d. 24. maí 2002. Baldur var ókvæntur og barnlaus.
Þau voru bæði komin á skólaaldur við lát föður síns.

GPJ 7.11.2017

• Icelandic

Húnavaka 1978