Person

Agatha Kristjánsdóttir (1935). Listmálari Kópavogi

• Agatha K. Kristjánsdóttir (1935)
• Agatha K. Kristjánsdóttir

31.7.1935 -

Agatha K. Kristjánsdóttir 31. júlí 1935. Listmálari Kópavogi.

Reykjavík

Kvsk á Blönduósi 1955

Hún hefur stundað myndlist í átta ár og á þeim tíma verið í Myndlistaklúbbi Háaleitis, svo og sótt ýmis námskeið. Hún hefur ferðast mikið og sótt sýningar og söfn. Einnig hefur Agatha stundað nám í píanóleik.

Í landslagsmyndum Agöthu, sem eru áhugaverðasti hluti sýningarinnar, er hvergi að finna hvassar línur, heldur er það mýkt litarins og breiðar pensilstrokur sem marka sýn hennar á landið. Litasamsetningar eru oft nokkuð sérstakar, og koma á óvart fyrir að ganga ágætlega upp, eins og t.d. í „Botnssúlur" (nr. 1) og „Vífilfell" (nr. 6), þar sem bljúgar línur gera landið mýkra og hlýlegra en ella. Þessi mýkt er ráðandi afl í öllum landslagsmyndum sýningarinnar, og tengjast þannig ákveðinni draumsýn, sem síðan kemur fram með öðrum hætti í þeim verkum sem listakonan nefnir „Fantasía" (nr. 7, 16-18); þar má sjá huldufólk og vætti, sem byggja landið, og vísa sterklega til þjóðtrúar landsmanna. Það þarf nokkurn kjark til að sýna verk sín á opinberum vettvangi og ekki of mikið um að áhugafólk í myndlistinni láti verða af því. Það er sterkur heildarsvipur á þeirri listsköpun sem Agatha sýnir hér og ánægjan af henni fyrir hvern listamann felst væntanlega ekki síst í því að kynna verk sín öðrum, eins og hér er gert.
Eiríkur Þorláksson

Foreldrar hennar: Kristján Friðrik Guðmundsson 14. júní 1909 - 16. maí 1999. Listaverkasali. Var í Reykjavík 1910. Bóndi á Ljótsstöðum, Hofssókn, N-Múl. 1930. Forstjóri og verslunarstjóri og kona hans; Anna Sigríður Sigurjónsdóttir 6. ágúst 1914 - 3. sept. 1975. Var á Vopnafirði 1930. Húsfreyja í Reykjavík 1945. Síðast bús. í Reykjavík.

Bræður Agöthu;
1) Birgir Kristjánsson, f. 4. ágúst 1932 - 30. maí 2017. Starfaði lengst af í Húsasmiðjunni. Síðast bús. í Hveragerði. Kona hans Elín Ellertsdóttir;
2) Bóas Kristjánsson f. 10. apríl 1937, kvæntur Ragnhildi Kristjánsdóttur;
3) Sigurjón Kristjánsson f. 25. júní 1941, kvæntur Mattínu Sigurðardóttur;
4) Friðfinnur Kristjánsson f. 26. júní 1942, kvæntur Þórunni Ólafsdóttur.

Mánudaginn 11.5.1953 opinberuðu trúlofun sína ungfrú Agatha Kristjánsdóttir, Langholtsveg 34 og Kristján Halldórsson, sjóm., Grundarstíg 8, Reykjavík.

Telpa verður fyrir bíl.
Í fyrradag ók bifreið norður Barónsstíginn og við gatnamót Grettisgötu og Barónsstígs ók hún fram hjá annari bifreið sem stóð á görunni. Í sama bili hljóp lítil telpa fyrir bifreiðina og sá bílstjórinn hana ekki vegna bifreiðarinnar sem stóð á götunni. Lenti telpan á bifreið inni nálægt afturhjólunum, féll í götuna og skrámaðist nokkuð á andliti. Bílstjórinn ók telpunni þegar á Landsspítalann og svo heim aftur er læknisaðgerð hafði farið fram. Telpan er þriggja ára og heitir Agatha Kristjánsdóttir og á heima á Njálsgötu 72.
Þjóðviljinn, 221. tölublað (24.09.1938), Blaðsíða 2. http://timarit.is/view_page_init.jsp?pageId=2735338

Kvennaskólinn á Blönduósi 1951-1960 (1951 - 1960)

HAH05115

IS HAH

Final

Full

GPJ 27.9.2019

• Icelandic

®GPJ ættfræði
Morgunblaðið, 208. tölublað (14.09.1994), Blaðsíða 20. http://timarit.is/view_page_init.jsp?pageId=1813653

Morgunblaðið, 106. tölublað (13.05.1953), Blaðsíða 4. http://timarit.is/view_page_init.jsp?pageId=1289346

Morgunblaðið, 139. tölublað (24.06.1999), Blaðsíða 39. http://timarit.is/view_page_init.jsp?pageId=1938750